Til baka

Eftirfarandi er fyrirlestur um Ísrael
sem Rúna Loftsdóttir hélt 7. febrúar 2009
hjá félaginu Shalom Ísrael

Landsvæðið Palestína

-         Það er til landsvæði sem heitir Skandinavía

-         Það er til landsvæði sem heitir Balkanskagi

Það er hins vegar ekki til neitt ríki sem heitir Skandinavíuríki eða Skandinavíuþjóð og það er ekki til neitt ríki sem heitir Balkanskagaríki.

Á sama hátt er til landsvæði sem heitir Palestína
en það hefur aldrei verið til neitt ríki sem heitir Palestínuríki.

Palestína

Rómverjarnir reyndu strax á fyrstu öldinni að afmá tengsl Gyðinga við landið, með því að nefna það Sýrland Palestína (Syria Palestina). Nafnið var dregið af Filisteum, erkifjendum Ísraels.
Palestína hefur aldrei verið þjóð með eigið tungumál né sér þjóðflokkur.
 
Allt frá innrás Rómverja og fram til nútímans hefur svæðið skipt um hendur mörgum sinnum, - að minnsta kosti 10 sinnum.

Þegar ályktað var um stofnun Ísraels, þá var ákveðið að skipta Palestínu upp á milli Gyðinga og Araba.

Palestína-skipting

Gyðingar fengu ca. 30% af Palestínu og 70% fór til Araba, Palestínu-Araba.

Landið sem í dag heitir Jórdan – er land palestínu-araba, sem í daglegu tali eru kallaðir Palestínumenn! Þeir Palestínu-Arabar sem bjuggu innan landamæra Ísraels gátu fengið ísraelskan ríkisborgararétt. 
 

Flóttamannabúðir palestínumanna.

Hvaðan koma flóttamannabúðir Palestínumanna ef þeir fengu 70% af landi Palestínu?

Þegar Ísraelsríki var stofnað þá hófu Arabalöndin allt um kring, stríð gegn Ísrael.

Þessar þjóðir hvöttu Palestínu-Araba sem bjuggu innan landamæra Ísraels að færa sig út fyrir landamærin, svo þeir yrðu ekki fyrir  áætluninni sem miðaðist að því

„að draga júðana á kjálkunum útí sjó“

Stefnan var að eyða Gyðingunum, eyða nýstofnuðu Ísraelsríki.
Þetta voru um 670.000 arabar.

Á sama tíma voru 800.000 Gyðingar sem fluttu frá Arabalöndunum allt um kring, inn fyrir landamæri Ísraels.

Við heyrum aldrei talað um flóttamannabúðir Gyðinga.
Ástæðan er sú, að Gyðingarnir voru samþykktir, þeim var hjálpað að koma þaki yfir höfuðið og festa rætur í landinu.

Við vitum öll að arabarnir unnu ekki stríðið og hvað gerðist þá?
Þessir tæplega 700.000 arabar sem höfðu verið hvattir til að yfirgefa heimili sín, líf sitt, eigur sínar, þeir voru ekki boðnir velkomnir í arabaríkin.

Þeir voru orðnir flóttamenn án heimila, án atvinnu,allslausir.

Arabaheimurinn -og Ísrael

Bláa svæðið á myndinni er Ísrael. Allt rauða svæðið er Arabaheimurinn sem vildi ekki taka við bræðrum sínum.

Það eru afkomendur þessara Araba sem verið er að fjalla um þegar talað er um flóttamenn Palestínu. Og svo sannarlega búa þeir við ömurleg kjör.
 
Múslimar lifa í trú sem gefur þeim enga von - enga.

Eina  örugga leiðin til himna er, ef þeir fremja Jihad,
drepa sjálfan sig og marga aðra með sjálfsmorðsárás. 

Eina leiðin fyrir konur til himna er, ef þær eru algjörlega undirgefnar öllum og öllu. Og leiðin þangað fyrir konur er yfir brú sem er jafnbreið og eitt mannshár.

Múslimar eiga enga von innan sinna trúarbragða.

 Burka

Við þurfum að biðja fyrir múslimunum. Þeir eru bræður Gyðinganna. Þeir eru afkomendur Abrahams. Ísmael og Ísak synir Abrahams voru bræður.

Þegar Guð gerði sáttmála sinn við Abraham þá var Ísmael umskorinn á sama degi og Abraham.

Við þurfum að biðja fyrir þeim að þeir uppgötvi fyrirheitið sem þeir eiga í Kristi.
 

Af hverju að biðja fyrir Ísrael?

Margir spyrja sig... af hverju á ég að biðja fyrir þjóð og blessa þjóð sem er í stríði ?

-         Guð segir að við eigum að blessa Ísrael

Hér eru ritningastaðir þar sem við sjáum sáttmála Guðs við Abraham:

1. Mósebók 15:17-18: En er sól var runnin og myrkt var orðið, kom reykur sem úr ofni og eldslogi, er leið fram á milli þessara fórnarstykkja. Á þeim degi gjörði DROTTINN sáttmála við Abram og mælti: ,,Þínu afkvæmi gef ég þetta land, frá Egyptalandsánni til árinnar miklu, árinnar Efrat:..”

1. Mósebók 17:7-8: ,,Og ég gjöri sáttmála milli mín og þín og þinna niðja eftir þig, frá einum ættlið til annars, ævinlegan sáttmála: að vera þinn Guð og þinna niðja eftir þig.  Og ég mun gefa þér og niðjum þínum eftir þig það land, sem þú nú býr í sem útlendingur, allt Kanaanland til ævinlegrar eignar, og ég skal vera Guð þeirra.”

Og Guð ítrekar sáttmálann við Ísak, Jakob, Móse og Jósúa
Í sálmi 105:7-12 lesum við um að Hann minnist að eilífu sáttmála síns og fyrirheita. Sáttmálans sem hann gerði við Abraham og eiðsins sem hann sór Ísak og setti sem lög fyrir Jakob.

Guð elskar Gyðingana ekkert meira en okkur – en hann elskar þá örðuvísi, Gyðingarnir eru þjóð Guðs.

Þó svo að við blessum Ísrael og biðjum fyrir Ísrael þá er ekki þar með sagt að við samþykkjum allt sem þeir gera.

Þetta er alveg eins og með fjölskylduna okkar.

Fjölskyldumeðlimur sem fer og brýtur af sér, okkur þykir vænt um hann áfram þó svo að við séum ekki sammála gjörðum hans.
Hann tilheyrir enn fjölskyldunni og við biðjum fyrir honum. Ekki satt?
 

Það er réttur hverrar þjóðar, að verja sig.

 

Fyrir þremur árum síðan átti sér stað dramatískur atburður, þegar Ísrael yfirgaf Gaza eftir 40 ár. Ísrael flutti til þúsundir íbúa sinna og yfirgaf mörg falleg hverfi og þorp í þeim gagngera tilgangi að stuðla að friði.

Gaza 

Gaza... 

Ísrael, ásamt heimsbyggðinni gerði ráð fyrir að þetta yrði til þess að íbúar Gaza myndu hætta hernaðarátökum, þegar þeir væru lausir við það sem þeir töldu vera "grimmt hernám Ísraels".

Stórum fjárupphæðum var safnað af alþjóðasamfélaginu til að hjálpa þeim við að byggja upp þjóðfélag. Allir vonuðu að þetta framtak Ísraels myndi loksins gefa frið milli þessara stríðandi fylkinga.

Ein meginforsenda brotthvarfs Ísrael var að komið yrði í veg fyrir eldflaugaárásir á landið. Síðan þá hafa Hamas samtökin haft yfirhöndina á svæðinu og nýtt landsvæðið til stórfelldra eldflaugaárása. Frá árinu 2005 hefur Hamas skotið yfir 6.300 eldflaugum og sprengjum yfir til Ísrael. Síðastliðið ár var yfir 3.000 eldflaugum og sprengjum skotið á almenna borgara.

Alls hefur yfir 10.000 eldflaugum verið skotið á Ísrael
undanfarin 8 ár.

Nákvæmur listi yfir eldflaugaárásir er birtur við varnarmálaráðuneytið í Ísrael

Við höfum séð margar myndir af börnum sem létust í stríðinu á Gaza – en af hverju?

Er það eðlilegt að stríðandi fylking noti saklausa borgara sem hlífiskjöld?

Hermenn
 

Golda Meir sagði eitt sinn: „We can forgive you for killing our sons. But we will never forgive you for making us kill yours.“
Við getum fyrirgefið ykkur að þið drepið syni okkar...
En við getum ekki fyrirgefið ykkur að láta okkur drepa syni ykkar!


Skoðum aðeins Fréttaflutninginn

Það hefur aldrei verið fjallað um það í fjölmiðlum hérna heima, hversu mörg ísraelsk börn hafa fallið í hryðjuverkaárásum í Ísrael.

-         Það þykir ekkert fréttnæmt –

 

 Yngri en eins árs

Myndir af nokkrum þeirra ísraelsku barna
sem hafa fallið í hryðjuverkaárásum á Ísrael.

15 ára
 

Þvert á fregnir íslenskra fjölmiðla þá leyfði Ísrael að hjálpargögn á borð við matvæli, lyf og annað að færi yfir landamærin til Gaza þó svo að eldflaugum Hamas hafi verið skotið á sjálf landamærahliðin þar sem Ísraelar hleyptu hjálpargögnum í gegn.

Til að undirstrika markmið Ísraelsmanna sagði Peter Lerner, liðsforingi hjá varnarmálaráðuneyti Ísraels, við fjölmiðla þegar átökin á Gaza geisuðu:

„Eins og forsætisráðherrann sagði í gær, þá erum við ekki í stríði við Palestínumenn heldur við hryðjuverkamenn Hamas samtakanna, og erum þar af leiðandi að flytja [til Gaza] hjálpargögn fyrir Palestínumenn. Við höfum engin takmörk sett á fjölda vörubíla [með hjálpargögn] en það voru fyrst aðeins 30 vörubílar því það var það sem tilbúið var að hjálpargögnum í dag.“

Ísrael hefur frá því átökin hófust sent slasaða almenna borgara yfir til Ísrael svo hægt sé að gera að sárum þeirra og veita aðra læknisaðstoð.

Margir þeirra palestínumanna sem slösuðust í átökunum reyndu að komast yfir landamærin til Egyptalands en Hamas samtökin bönnuðu slíkar ferðir.

Annað dæmi varðandi rangan fréttaflutning er þýtt úr tölvupósti frá Tomas Sandell stofnanda European Coliation for Ísrael:

„Átökin á Gaza eru ekki aðeins hernaðarleg átök heldur einnig fjölmiðlaátök.

Á meðan stríðið stóð sem hæst, sl. mánuð, þá var oft vitnað í norskan lækni sem var að starfa á Gaza.

Eins og fréttaflutningurinn var, þá kom þetta út eins og hann væri fastur á sjúkrahúsi á Gaza, innan um deyjandi konur og börn. Sem er rétt, það voru deyjandi konur og börn meðan árásirnar stóðu sem hæst.

Þessi læknir tekur einhliða afstöðu með Hamas hryðjuverkasamtökum og gegn Ísrael.  Ef farið er í smá rannsókn á internetinu, ma. Wikipedia, þá kemur í ljós að hann er harðlínumaður, sem hefur unnið fyrir málstað Palestínu allt frá 7 áratugnum.

Löngu áður en þessi átök hófust, hefur hann ásakað Ísrael og Bandaríkin fyrir glæpi í Mið-Austurlöndum.

Og takið eftir þessu:

Hann varði  árásirnar á tvíburaturnana 11. september 2001!!
Hann sagði að þær væru lögmætar. Og þegar hann var spurður beint út um það hvort hann styddi hryðjuverkaárásirnar sagði hann: “já”

Þetta er rétt andlit þessa manns, sem á að vera að starfa við mannúðarstörf!!“

 

Baráttan er ekki við hold og blóð, heldur við andaverur illskunnar (Efesusbréfið 6:11-13; 2. Korintubréf 10:3-5) Í núverandi baráttu á Gaza, er stríðið ekki gegn íbúum Gaza, heldur anda Jihad, hryðjuverka og gyðingahaturs, sem hefur náð yfirhöndinni þar.

Vegna þess að þetta stríð er andlegt, þá notar það ekki eingöngu skriðdreka og eldflaugar, heldur einnig heimsálitið og fjölmiðla. 

Ísrael er í mjög sérkennilegri stöðu, þar sem annars vegar er verið að berjast gegn Jihad öfgafullra íslamista innan Hamas og Hisbolla og hins vegar, frjálslyndum húmanistum í fjölmiðlum og innan Sameinuðu þjóðanna. Hermennirnir þurfa mikið hugrekki til að berjast við hryðjuverkamenn, samhliða því að sýna heilindi og þolinmæði við að starfa samkvæmt ströngustu reglum siðferðislegs stríðs.

Sérhvert eldflaugaskot er tekið upp á myndavél frá flugvél eða þyrlu, til að sanna og staðfesta skotmarkið. Enginn her í allri mannkynssögunni, hefur tekið upp svona varúðarráðstafanir eins og Ísraelsher gerir núna í þessu stríði. Ástæðan fyrir því að svo margir almennir borgarar eru særðir, er vegna þess að það hefur verið logið að þeim, Hamas hefur logið að þeim, þannig að fólkið er gert að mannlegum skjöldum. Myndbandsupptökur úr flugstjórnarklefum Ísraelshers, sýna að Hamas er að skjóta eldflaugum frá skólum, heimilum og moskum.

Í Daníelsbók, kafla 10, þá fastar spámaðurinn í þrjár vikur. Dýrðarengill frá Drottni birtist Daníel og gefur honum opinberun.  Opinberunin var um það sem koma mun yfir Ísraelsþjóðina á endatímum, fjarlægt þeim tíma sem Daníel lifði. Öll opinberun varðandi endatímana er tengd Ísrael. Og tengist stríði.

Í þessari sýn, þá segir Himneski Sendiboðinn honum aðstæður stríðsins.  “Þá sagði hann: Veistu, hvers vegna ég er til þín kominn? En nú verð ég að snúa aftur til þess að berjast við verndarengil Persíu, og þegar ég fer af stað, sjá, þá kemur verndarengill Grikklands.” – Daníelsbók 10:20. Í dag þá er Íran á því landsvæði sem áður hét Persía. Íran er aðal uppspretta fjármagns til Hamas og Hisbolla.
 
Það var í Grikklandi sem veraldlegur húmanismi fæddist, sami húmanismi og finnst í fjölmiðlum og Sameinuðu þjóðunum í dag.

Engill Drottins barðist gegn þessum tveimur öflum, á sama hátt og Ísrael er að berjast gegn þeim í dag. 
 

Andleg barátta er líka stríð sannleikans gegn lyginni.

  • Hvers vegna vilja þjóðir heims ekki heyra sannleikann?
  • Hvers vegna gera þær sér ekki grein fyrir því að verið er að ljúga að þeim?


Eftirfarandi sagði meðlimur Hamas, Dr. Yunis al Astil,  á Palestínska þinginu, varðandi markmið Islamista: “Við munum sigra Róm. Og þar á eftir alla Evrópu. Og þá munum við leggja undir okkur Ameríku. (B. D. Yemini, Maariv Weekend, 9-1-2009)."

Í Evrópu hefur gyðingahatur verið að aukast gífurlega undanfarin ár og samhliða því, hefur múslimum verið að fjölga alveg gífurlega í álfunni.

Múslimar-konur

Talið er að fjöldi múslima í löndum Evrópubandalagsins sé á milli 13 og 20 milljónir. En samtals eru 52 milljónir Múslima í Evrópu þegar Suðaustur Evrópa, Tyrkland og Rússland eru talin með.

Á sama tíma og vestrænar konur í Evrópu fæða að meðaltali 1.4 börn  Þá fæða múslima konur í Evrópu að meðaltali 3.5 börn  Árið 2050 er talið að fjöldi múslima í Evrópu hafi sennilega tvöfaldast.

Rótin að seinni heimstyrjöldinni var Gyðingahatur.
 
Við vitum að um 6 milljónir Gyðinga voru drepnir í heimstyrjöldinni en samtals voru um 50- 70 milljón manns sem létu lífið í öllum heiminum meðan seinni heimstyrjöldin geisaði; þar af voru um 40 milljónir saklausir borgarar - rótin var gyðingahatur – og öll heimsbyggðin þjáðist vegna þess.

Í dag, er gyðingahatur komið á sama mælikvarða í Evrópu og það var eftir að Hitler komst til valda.

- Það er alvarleikinn. -


Nokkrir punktar til viðvörunar um vaxandi gyðingahatur í Evrópu
 

Í París er bylgja ofbeldis í garð Gyðinga frá því átökin á Gaza brutust út. Ráðist hefur verið með eldsprengjum á synagógur í París, Toulouse og á fleiri stöðum í Frakklandi.

30 slík tilfelli eru skráð frá því í desember síðastliðnum.

Nýlega var ráðist á 14 ára stelpu í skóla og hún kölluð “dirty Jew” eða skítugur gyðingur. Þetta gerðist í úthverfi Parísar.

Áróður eins og “drepum gyðingana” má sjá á mörgum stöðum.

Það hefur líka verið ráðist á synagógur í öðrum borgum Evrópu, eins og Brussel, Antwerpen og Charleroi í Belgíu.

Í London og í Svíþjóð hafa verið gerðar tilraunir til að ráðast á synagógur.

Í löndum eins og Tékklandi, Póllandi, Ungverjalandi, Rúmeníu og Búlgaríu – löndum sem hafa losnað undan valdi kommúnismans -
hefur borið minna á Gyðingahatri.

Í Tyrklandi er útbreiðsla Gyðingahaturs ógnvekjandi, en þar hefur forsætisráðherra í ræðum sínum, hvatt til haturs gagnvart Ísrael og það hefur haft gríðarleg áhrif á almenning.

Það er ekki hægt að telja upp öll atvik Gyðingahatursins í Tyrklandi hér, þau eru svo mörg en í stærstu synagogu í borginni Izmir, var skrifað á dyrnar:

“Við munum drepa ykkur.”

Nálægt Háskólanum í Istanbul setti hópur fólks plakat á dyr verslunar í eigu Gyðings sem á stóð: “Verslið ekki hér, þessi búð er í eigu Gyðings.”
 

Júðar ekki velkomnir... 

-         Og sama verknað sjáum við hér á Íslandi, þar sem miðar hafa verið settir í glugga verslunar þar sem stendur: „Júðar ekki velkomnir“
 

Stuðningsmenn Ísrael í hinum ýmsu löndum Evrópu hafa farið í göngur  -  ekki mótmælagöngur heldur stuðningsgöngur.
Þær hafa þurft að fara fram undir lögregluvernd vegna Gyðingahaturs.

Það er víðtækur stuðningur við Ísrael um alla Evrópu. Í London, Munich, Vín, Berlín, Stokkhólmi og Osló hafa kristnir og Gyðingar farið í stuðningsgöngur saman

Í Osló var ráðist á gönguna af andstæðingum Ísrael og þar er talað um versta götuofbeldi sem átt hefur sér stað í 20 ár.

Í Stokkhólmi – þurfti ganga sem gengin var til stuðnings Ísraels, að vera undir mikilli lögregluvernd vegna andstæðinga Ísraels sem reyndu á ofbeldisfullan hátt að stöðva gönguna.

Það er ekki hægt að tengja þetta ofbeldi í Stokkhólmi eingöngu við átökin á Gaza. Undanfarin ár hefur ekki verið hægt að fara í friðargöngur til minningar um Helförina, öðruvísi en með mikilli lögregluvernd.

Við þurfum að taka stöðu okkar, vera meðvituð um það sem er að gerast.

Við þurfum að standa með Gyðingunum og blessa þá.


Samtökin European Coalition for Israel er gott dæmi um hvernig hægt er að hafa áhrif á stjórnvöld. Þau samtök starfa ma. ötullega á Evrópuþinginu.

Eitt dæmi um það sem þeir gerðu var fyrir Heimsmeistaramótið í knattspyrnu árið 2006, en þá fóru samtökin af stað með átak í fjölmiðlum í Þýskalandi, þegar forseti Írans Mahmoud Ahmadinejad  hafði boðað komu sína á leikana.

Hitler og Mahmoud

Auglýsingaátakið var þessi mynd ásamt textanum:
„Fyrir 70 árum síðan, árið 1936, setti Adolf Hitler 11. sumarólympíuleikana. Hann fór ekkert í felur með þann ásetning sinn að þurrka út Gyðingana, og á innan við 9 árum voru 6 milljón Gyðingar látnir.

Nú í sumar hefur forseti Írans Mahmoud Ahmadinejad boðað komu sína á HM í Þýskalandi. Hann hefur opinberlega sagt að hann vilji „þurrka Ísrael út af kortinu“. 

Sumir sjá „ bara leik“
Við sjáum „söguna endurtaka sig“

Mamúd afboðaði komu sína.

-         Við getum haft áhrif !!

Sem kristið fólk erum við kölluð til að skipa okkur í skarðið fyrir Ísrael, til að biðja fyrir og styðja þjóðina.

         Guð hefur talað það til okkar.

         Gyðingahatur er að aukast og er nú svipað og við upphaf síðari heimstyrjaldar.

         Myrkrið er alltaf að aukast og kirkjan verður að boða sannleika Guðs með djörfung og hugrekki svo ráðsáætlun hans nái fram að ganga.

Ísrael lætur engan ósnortinn. Landið og þjóðin benda á tilvist Guðs, áætlanir hans og loforð.

Það skiptir ekki máli hversu fjarlægt Guði, fólk er orðið. Það er eitthvað við Ísrael sem ekki er hægt að sneiða hjá. Eitthvað afdráttarlaust og sannfærandi.
 

Í Rutarbók lesum við;

Þegar hungursneyð ríkti í Ísrael yfirgáfu Gyðingarnir Naomí, maður hennar og synir, heimaborg sína Betlehem og fluttu til Móabslands. Þau lentu í útlegð eins og svo margir Gyðingar um allan heim síðan.

Þau samlöguðust fólkinu, synir Naomí kvæntust móabískum konum. Synir hennar og maður dóu og hún ákvað að snúa aftur heim. Þegar hún er að leggja af stað koma tengdadætur hennar til hennar, Orpa og Rut. Hún gaf þeim kost á að verða eftir. Orpa valdi að verða eftir en ekki Rut. Rutarbók 1:15-17

Rut ákvað að fylgja Naomí, hún skildi að Naomí átti að fara og búa í landinu vegna þess að Naomí var Gyðingur. Hún gerði sér grein fyrir því að Guð Naomí væri lifandi Guð. Rut var móabísk en ekki af gyðinglegum uppruna og gat því tekið afstöðu, með eða á móti. Blessað eða bölvað, veitt stuðning eða verið upptekin af öðru. Hún valdi blessun og hlaut mikla blessun.

         Afkomandi Rutar var Davíð konungur, hún öðlaðist þannig sess í opinberunaráætlun Guðs.

         En... Rut gat ekki orðið blessun fyrr en hún hafði tekið ákvörðun. Ákvörðunin var mikil og breytti lífi hennar.

Við stöndum í dag frammi fyrir þessari sömu ákvörðun. Við getum valið að ganga með Orpu og anda þessa heims, áhrifum hans, skoðunum og viðhorfum. Sumir velja þá leið, en það þýðir meiri kulda gagnvart Ísrael, meira gyðingahatur.

Við getum líka valið að segja við Gyðingana:
„þitt fólk skal vera mitt fólk, og þinn Guð skal vera minn Guð“

Mín spurning til þín er…

-            Ertu tilbúin/n að skipa þér í skarðið?

Resources:

-          Líf mitt – með Goldu Meir

-          Revive Israel

-          Fréttaveitan amx.is

-          European Coalition for Israel

 

 

Til baka

www.torah.is

 

 

 

 

     
 


Sigrún Einarsdóttir & Ragnar B. Björnsson © 2008
www.torah.is / torah@internet.is
Vefhönnun: Einir Björn Ragnarsson